ساہیوال (ایس این این) علمی ، ادبی ، ثفافتی تنظیم دانش کدہ انٹرنیشنل کے زیر اہتمام ساہیوال آرٹس کونسل کے تعاون سے قومی مشاعرہ کا انعقاد کیا گیا ، مشاعرہ ساہیول آرٹس کونسل کے ہال میں منعقد ہوا جس میں سینکڑوں کی تعداد میں باذوق شہریوں نے شرکت کی ، مشاعرہ کی صدارت معروف شاعر اور ٹی وی اینکر وصی شاہ نے کی جبکہ راکب مختار ، افکار علوی ، دانش نقوی ، سمیرا انجم ، نوشین فاطمہ اور صدر دانش کدہ نعمان راؤ مہمانان خصوصی تھے نظامت کے فرائض تنظیم کے جنرل سیکریٹری معروف شاعر ، کالم نگار اوصاف شیخ نے ادا کیئے ۔
مشاعرہ میں علی سانول ، نعمان فلک ، عون شاہ ، تذکیر ازہر ، علی ہیر عالی ، محمد ساجد ، عبدالرحیم دائم ، فاروق اظہر ، شبیر شاہد ، صفی ہمدانی ، ڈاکٹرپرویز خان پیروز ، حسرت بلال ، ڈاکٹر ندیم عباس اشرف ، نعمان راؤ اوصاف شیخ ، نوشین فاطمہ ، سمیرا یوسف ، دانش نقوی ، افکار علوی ، راکب مختار اور وصی شاہ نے کلام سنایا۔ ساہیوال کے با ذوق شہریوں نے انتہائی توجہ سے شعراء کا کلام سنا اور بھر پور داد سے نواز ۔ مشاعرہ کی وڈیو ، آڈیو اور فوٹوگرافی لائل پور اسٹوڈیو کے مرزا عثمان نے تیار کی دانش کدہ انٹرنیشنل کی جانب سے مشاعرہ کے معاونین مکان مینجر کے رانا عاصم ، آرٹس کونسل کے ڈائریکٹر سید ریاض ہمدانی ، حماد افضل ، راؤ فہیم ، اور قمر شاہ کو اعزازی شیلڈز دی گئیں ۔ شہریوں اور مہمانان شعراء نے دانش کدہ انٹر نیشنل کے منتظمین کو ساہیوال میں ایک بڑا اور تاریخی مشاعرہ منعقد کرنے پر مبارکباد پیش کی
